top of page
Поиск

༄༅། །ཐོན་མིའི་ལེགས་བཤད་སུམ་ཅུ་བའི་སྙིང་པོ་ལེགས་བཤད་ལྗོན་པའི་དབང་པོ་བཞུགས་སོ།།

Обновлено: 13 июл.

Сущностное изложение трактата Тхонми Самбхоты  «Владыка леса».


Данный трактат представляет собой поэму из 30 стихов, содержащих ключевые грамматические правила тибетского языка. Данный текст изучается в различных тибетских образовательных учреждениях, как среди тибетцев, так и среди иностранных студентов. Многие знают его наизусть.


Мы рады представить вам эту поэму на тибетском языке, прочитанную Учителем-монахом нашей онлайн-школы им. Тхонми Самбхота.


༄༅། །ཐོན་མིའི་ལེགས་བཤད་སུམ་ཅུ་བའི་སྙིང་པོ་ལེགས་བཤད་ལྗོན་པའི་དབང་པོ་བཞུགས་སོ།།


Трактат Тхонми Самбхотыhttps://www.thonmi-sambhota.com/

Трактат Тхонми Самбхота 2 версия https://www.thonmi-sambhota.com/


ན་མོ་གུ་རུ་མཉྫུ་གྷོ་ཥཱ་ཡ།


བླ་མ་མཆོག་དང་དབྱེར་མེད་པའི། །

འཇམ་དཔལ་དབྱངས་ལ་གུས་བཏུད་ནས། །

ཐོན་མིའི་ལེགས་བཤད་སུམ་ཅུ་པའི། །

སྙིང་པོ་མདོར་བསྡུས་བཤད་པར་བྱ། །


དབྱངས་ཀྱི་བྱ་བ་གསལ་པོ་རུ། །

བྱེད་པ་ཨི་ཨུ་ཨེ་ཨོ་བཞི། །

གསལ་བྱེད་ཀ་སོགས་སུམ་ཅུ་ཡིན། །


ག་ང་ད་ན་བ་མ་འ། །

ར་ལ་ས་རྣམས་རྗེས་འཇུག་བཅུ། །

ད་དང་ས་གཉིས་ཡང་འཇུག་སྟེ། །

ད་ནི་ན་ར་ལ་གསུམ་དང་། །

ས་ནི་ག་ང་བ་མར་འཐོབ། །


ག་ད་བ་མ་འ་སྔོན་འཇུག

།གོ་ངོ་དོ་ནོ་བོ་མོ་འོ། །

རོ་ལོ་སོ་ཏོ་སླར་བསྡུ་སྟེ། །

རྫོགས་ཚིག་ཟླ་སྡུད་ཅེས་ཀྱང་བྱ། །

དྲག་ཡོད་ཏོ་དང་མཐའ་མེད་འོ། །

གཞན་རྣམས་མིང་མཐའི་རྗེས་མཐུན་སྦྱར། །


སུ་ར་རུ་དུ་ན་ལ་ཏུ། །

ལ་དོན་རྣམ་པ་བདུན་ཡིན་ཏེ། །

རྣམ་དབྱེ་གཉིས་བཞི་བདུན་པ་དང་།

དེ་ཉིད་ཚེ་སྐབས་རྣམས་ལ་འཇུག །

ས་སུ་ག་བ་དྲག་མཐར་ཏུ། །

ང་ད་ན་མ་ར་ལ་དུ། །

འ་དང་མཐའ་མེད་ར་དང་རུ། །


གི་ཀྱི་གྱི་འི་ཡི་ལྔ་པོ། །

རྣམ་དབྱེ་དྲུག་པ་འབྲེལ་སྒྲ་དང་། །

དེ་རྣམས་ས་མཐའ་ཅན་ལྔ་ནི། །

རྣམ་དབྱེ་གསུམ་པ་བྱེད་སྒྲ་སྟེ། །

སྦྱོར་ཚུལ་ན་མ་ར་ལ་གྱི། །

ད་བ་ས་ཀྱི་ག་ང་གི །

འ་དང་མཐའ་མེད་འི་དང་ཡི། །


ཀྱང་ཡང་འང་གསུམ་རྒྱན་སྡུད་དེ། །

ག་ད་བ་ས་དྲག་མཐར་ཀྱང་། །

ང་ན་མ་ར་ལ་མཐར་ཡང་། །

འ་དང་མཐའ་མེད་འང་དང་ཡང་། །


ཏེ་དེ་སྟེ་གསུམ་ལྷག་བཅས་ཏེ། །

ན་ར་ལ་ས་དྲག་མཐར་ཏེ། །

ད་དེ་ག་ང་བ་མ་འ། །

མཐའ་མེད་རྣམས་ལ་ས་སྟེ་འཐོབ། །


གམ་ངམ་དམ་ནམ་བམ་མམ་འམ། །

རམ་ལམ་སམ་ཏམ་འབྱེད་སྡུད་དེ། །

སྦྱོར་ཚུལ་སླར་བསྡུའི་སྐབས་དང་མཚུངས། །


ར་རུ་འི་ཡི་འང་ཡང་རྣམས། །

རྐང་པ་མི་སྐོང་སྐོང་བའི་ཁྱད། །

འོ་འུ་འམ་གྱི་གོང་དུ་ཚེག །

མེད་དང་ཡོད་པའང་དེ་བཞིན་ཡིན། །


ནས་ལས་འབྱུང་ཁུངས་དགར་སྡུད་དེ། །

འབྱུང་ཁུངས་དངོས་ལ་གང་སྦྱར་འཐུས། །

རིགས་མཐུན་དགར་ནས་མི་མཐུན་ལས། །

སྡུད་ལ་ནས་སྒྲ་ཁོ་ན་འཇུག །


ཀྱེ་དང་ཀྭ་ཡེ་བོད་སྒྲ་སྟེ། །

ཕལ་ཆེར་མིང་གི་ཐོག་མར་སྦྱོར། །

ནི་ནི་དགར་དང་བརྣན་པའི་སྒྲ། །

དང་ནི་སྡུད་འབྱེད་རྒྱུ་མཚན་དང་། །


ཚེ་སྐབས་གདམས་ངག་ལྔ་ལ་འཇུག །

མིང་གི་ཐོག་མའི་དེ་སྒྲ་ནི། །

ཐ་སྙད་འདས་མ་ཐག་པ་དང་། །

རྣམ་གྲངས་གཞན་ཅན་གཉིས་ལ་འཇུག །


ཅི་ཇི་སུ་གང་སྤྱི་སྒྲ་སྟེ། །

ཞིག་སྟེ་སླད་འདྲ་ཕྱིར་ལ་ཅི། །

སྙེད་སྲིད་ལྟར་བཞིན་སྐད་ལ་ཇི། །

སུ་ནི་གང་ཟག་གང་ཀུན་ལའོ། །


ན་རོ་ཡོད་མེད་པ་བ་མ། །

བདག་པོའི་སྒྲ་སྟེ་ག་ད་ན། །

བ་མ་ས་དང་དྲག་མཐར་པ། །

ང་འ་ར་ལ་མཐའ་མེད་ལ། །


བདག་སྒྲ་ཡར་གྱུར་བ་དང་ནི། །

ཆ་ལ་པ་ཉིད་སྦྱོར་བ་ལེགས། །

མིང་མཐའི་པ་བའང་ཕལ་ཆེར་འདྲ། །

མ་ནི་ངེས་མེད་སྐབས་དང་སྦྱར། །


མ་མི་མིན་མེད་དགག་སྒྲ་སྟེ། །

མ་མི་ཐོག་མ་མིན་མེད་མཇུག །

མ་ནི་བར་གྱི་གསལ་བྱེད་ལའང་། །


ཚིག་ཕྲད་ཞིང་སོགས་ང་ན་མ། །

འ་དང་ར་ལ་མཐའ་མེད་མཐར། །

ཞིང་ཞེས་ཞེ་འོ་ཞེ་ན་ཞིག །

ག་ད་བ་དང་ད་དྲག་མཐར། །


ཅིང་ཅེས་ཅེ་འོ་ཅེ་ན་ཅིག །

ས་མཐར་དམིགས་བསལ་ཞེས་མ་གཏོགས། །

ཤིང་ཤིག་ཤེའོ་ཤེ་ན་འཐོབ། །

འོན་ཀྱང་ཁ་ཅིག་ལྷན་ཅིག་སོགས། །


མིང་གི་ཆ་དང་མ་ནོར་གཅེས། །

རྐྱང་པ་འཕུལ་ལ་འ་མཐའ་དགོས། །

གུག་ཀྱེད་བརྩེགས་འདོགས་ཅན་ལ་སྤང་། །

ལྷུག་པའི་དོན་མང་མིང་མཚམས་དང་། །


དོན་འབྲིང་འབྱེད་དང་དོན་ཉུང་རྫོགས། །

ཚིགས་བཅད་ག་མཐར་ཆིག་བཤད་བྱ། །

རྫོགས་ཚིག་མཐའ་ཅན་ལྷུག་པ་དང་། །

ཚིགས་བཅད་རྐང་མཐར་ཉིས་ཤད་འཐོབ། །


དོན་ཚན་ཆེན་མོ་རྫོགས་པ་དང་། །

ལེའུའི་མཚམས་སུ་བཞི་ཤད་དགོས། །

ང་ཡིག་མ་གཏོགས་ཡིག་ཤད་དབར། །

ཚེག་མེད་དེ་སོགས་ཞིབ་ཏུ་འབད། །


ཚིག་གི་ལོ་མས་མ་བསྒྲིབས་ཤིང་། །

དོན་གྱི་འབྲས་བུ་གཡུར་ཟ་བའི། །

ལེགས་བཤད་ལྗོན་པའི་དབང་པོ་འདི། །

དབྱངས་ཅན་གྲུབ་པའི་རྡོ་རྗེས་སྤེལ། །

71 просмотр0 комментариев

Недавние посты

Смотреть все

Comments


bottom of page